伍仲衡踢爆首场海选记者会当日，工作人员向他求助，因为大家都找不到参赛者之一的刘威煌，「工作人员知我识佢，佢哋好无助，因为佢报咗名呀！全世界都搵你！突然间唔嚟，但打唔到畀佢，后来复我话有难言之隐，威煌思好多嘢，行一步又褪两步咁。」好兄弟梁浩贤、甘永杰等都不知道有这件事，刘威煌才娓娓道来：「的而且确有尴尬位，听到啲说话係：『又行番出嚟呀？要红都红咗啦！』呢啲会阻碍到我继续玩呢个比赛，我当年係离开TVB呀嘛，如果再返嚟玩又要重新签约啦，好多嘢諗！所以第一次海选我係冇去！

连收看直播的区永权都称知情有料爆，威煌续言：「唔講都講埋喇，由于海选冇出席，所以我参选资格係被取消呀！后尾多谢区永权同祺哥，叫我諗清楚，因为张报名纸仲喺度，劝我去玩，所以我先喺第二日海选就出现喇。心理关口去到好后期先解脱，上网好评同负评都係参半。」在第二日海选撞到颜米羔、甘永杰、梁思杰及梁浩贤，才重新认识几位朋友仔建立友情。刘威煌另外在直播透露，将于8月举办两场个人演唱会，而他亦期待「轻松啲」八位兄弟一起搞演唱会。

刘威煌反爆谭辉智料，指辉智每场比赛前都想「缩沙」，辉智说：「开头几乎每次都想退赛，开始未够铃意唱歌，因为唔係成日唱。（海选唔肯嚟？）我被我老婆逼呀，去啦拋個身出嚟试下人一世。（佢唔参加？）佢成日都话我难听嘅。」梁浩贤指起初不认识辉智，一听完他唱歌就惊为天人，不断鼓励他继续玩，不要放弃，辉智说：「我记得李浩森係第一个鼓励我，当日係第一日正式上电视，死啦，一上电视就全世界都知我参加，因为我未知自己质素，不如退咗去唔玩，费事出丑就一世。李浩森未听过我唱，因为佢以为都係咁，好惊，佢话难得有机会就去试啦！」众人大赞辉智在比赛过程中改变很大，乐于面对镜头说话，辉智笑言：「其实我学坏咗嘛！」