MIRROR 12子成军以来，储下不少镜粉，当中最受欢迎的姜涛和卢翰廷（Anson Lo）的支持者最多。随着入行越久，粉丝肉紧偶像的成绩，大家都各持己见，有时在活动上，发生冲突磨擦。近日情况越演越烈。

姜涛昨晚做完《12怪盗》谢票活动后，回家开直播与姜糖对话，甫开始的时候，他表示太耐冇开直播，心情比上台表演更紧张，不时叹气，而直播期间更一度感触，声线似想哭。间中会语出惊人的他，还安抚大家放心：“我只系想分享一啲事，包括最近发生嘅事，系唔系好惊唔知我想讲咩？我知我以前成日乱讲嘢，放心唔会嘅。我唔系想教导大家，只系想交流吓諗法，希望你哋睇完直播，再作出评论。”

对于最近镜粉的冲突，姜涛离开香港18日去做巡回演唱会，回来反而要“拆弹”，他苦笑：“始终离开咁多日，好掛住呢度， 懷住開心心情终於返屋企， 稍为唞一唞，再努力出发下一站， 但冇諗过发生呢啲事。我同Anson Lo喺机上面知道呢件事，大家有商量点做，但好难解决。”

姜涛表示曾经尝试了解件事发觉，但发现每个人都有不同说法，根本没有办法可以考证真实情况，而且亦觉得现时最重要作出呼吁声音：“ 想呼吁大家发生乜事， 以安全为主， 呢個系我哋一直所有人抱住嘅态度。”

随后，姜涛表示曾检讨事情，反思自己是否有地方做得不对：“我同Anson Lo都有諗过， 系唔系有地方仲做得唔够， 做多一步或者可以减少事情发生， 我系唔系要同大家讲对唔住， 我哋唔知再可以点做，只可以讲声抱歉。 每个艺人都唔想粉丝受任何伤害， 身为艺人责任， 系带欢乐畀所有人。”

姜涛强调入行以来，粉丝间的冲突越来越多，坦言之前曾为这些事情，与Anson Lo内心感不快：“我有佢都有唔开心，我地关系曾因为呢啲事影响过， 但由《全民造星》到而家出道几短短日子经历好多， 我哋一开始都系好单纯后生仔， 我哋有互相唔理解过， 但我哋后来知道， 明白大家紧张我哋，先会有咁嘅事发生， 好彩我哋而家系好好朋友。”講到这里，姜涛不禁透大气。

本月30日是姜涛生日，他公开透露自己25岁的生日愿望：“ 希望世界所有人，有个将心比己嘅心态，世界系冇啱定错， 只系唔同观点、立场、睇法。如果有事时候，你可以唔认同人哋，但用人哋立场去睇， 可能会多份理解。”最后他十分担心，怕做完直播后又再被骂「搏同情」等评论，但他表示人会长大，会听别人的意见，不想只做活在自己世界的艺人，不再逃避外间任何「声音」。

至于Anson Lo回港当天，曾经回应冲突事件，同样他曾经因此事感心灰。昨晚姜涛在IG做直播后，Anson Lo亦在限时动态出帖文，有多条片段他离开时，获得神徒们的呼喊。之后他则有一张文字帖文，“谢谢你们每一位，希望今天能够带给你们一点欢乐，一个放松的时刻，想你们开心，感触、感动、感激。”