母親陪同面試的荒謬事件

該名打工仔於香港討論區上以「而家啲小朋友帶埋阿媽嚟見工，到底係請你定請你阿媽？」為題發帖，他提到公司最近請人，目標是聘請Fresh Grad（即 應屆大學畢業生），希望可以讓公司的整體形象更年輕一點。某日早上，樓主看到人事部職員帶同兩名「求職者」到會議室，由於公司平常不會以小組形式進行面試，好奇心驅使下，他便詢問了HR同事，才得知原來真正的求職者是一位年輕人，而另一名女士則是年輕人的母親，因擔憂兒子「答得唔好」而堅持要一同面試。

面試完畢後，上司罕有地向下屬提及面試情況，他既憤怒又無奈地說「第一次見到人真係帶埋個老母上嚟，仲要問佢問題全部都係個老母答，成程除咗佢個名之外都冇聽過佢講其他嘢」。最後上司「耍太極」讓他們回家等消息，沒想到該名「求職者」的母親仍再追問：「咁幾時先有通知㗎？請唔請都會通知㗎可？」

樓主聽後都相當無奈，不禁笑言道「以前以為係啲搞笑片先會見到」，沒想到現實中真的會有人見工時帶母親一同面試，同時他又形容該名母親的做法對兒子百害而無一利，無疑是「害咗個仔」，「做阿媽而家仲要跟埋去見工個仔真係可能成世都搵唔到嘢做，去到幾廿歲都仲係靠父母養，咁樣對個仔真係好咩？」

帖文一出隨即惹來討論，不少網民對此感到驚訝，同時又認為公司處理手法有問題，「你公司唔見得好聰明？你同你老板或HR講返啦，唔好再俾啲怪獸家長破壞國際都市既職規矩」、「間公司都好有問題，竟然容許咁荒謬既事發生，拍戲？」

而樓主亦有對此回覆，表示公司從未遇過這類型事件，「所以都唔知點樣拒絕個阿媽...」，同時他也強調HR職員曾建議媽媽在門外等候，但對方依然堅持全程陪同兒子面試，「個阿媽係咁死lur要入去，問咗老細話照畀佢入，hea in佢就算，估唔到hea in啲問題都係由阿媽答，唔到個仔答」。

另外，有網友則笑稱是「買細送大」，「一份人工請兩個人幾好呀」、「如果請咗，可能真係帶埋阿媽返工」，但亦有人認為以上事件相當荒謬，質疑其真假，並在帖文下方留言道，「你呢個古仔好似十年前聽過」、「重作」、「真定假啊？比阿媽入去咩？」